د افغانستان د رینبو ټولنې غړې “مهره فابي” د تحصن او د نه خوړلو اعتصاب په تړاو د افغانستان او ایران د آنارشیستانو د اتحادیې څرګندونې

د افغانستان د رینبو ټولنې غړې “مهره فابي” د تحصن او د نه خوړلو اعتصاب په تړاو د افغانستان او ایران د آنارشیستانو د اتحادیې څرګندونې

د جرمني په کلن ښار کې د افغانستان اعتراض کوونکو ښځو د نه خوړلو له اعتصاب څخه یولس ورځې تېرې شوې دي. د نورو هېوادونو ګڼ شمېر ټولنيز، فرهنګي، سياسي او مدني فعالانو د پيوستون په څرګندولو سره د دغه تحصن او د نه‌خوړلو اعتصاب له غوښتنو ملاتړ کړي دي.

خو په سویډن کې مهره فابي چې د افغانستان د  رینبو ټولنې له فعالانو څخه ده د افغانستان د هیڅ یو ټولنیزو غړو د ملاتړ له اعلان سره مخه نه شوه او  د نه خوړلو اعتصاب پنځمه ورځ یې د جنسیتي توپیر د پیژندلو غوښتنې سره چې د طالبانو لخوا په افغانستان کې د +LGBTQ  پر غړو او د افغانستان ښځو باندې پلي کیږي، په یوازیتوب یې تر سره کړه.

د افغانستان او ایران د آنارشیستانو اتحادیه د افغانستان د رینبو  ټولنې سره پیوستون اعلانوي او د مهره فابي له غوښتنو او د هغې د مبارزې او همدارنګه د هر ډول جنسي او جنستي استبداد او واکمني پر وړاندې د هر ډول مبارزې څخه ملاتړ کوي.

د افغانستان او ایران د آنارشیستي اتحادیې فعالان په سویډن کې له خپلو ملګرو، سیاسي، فرهنګي او ټولنیزو فعالانو چې له هرې جغرافیې څخه راغلي غواړي د مهره فابي د نه‌خوړلو اعتصاب او تحصن ځای ( مالمو ښار-Gustav Adolfs torg) ته په ورتګ هغې سره د پیوستون اعلان وکړي او پرې نه‌ږدي چې هغه او د هغې مبارزه له پامه وه غورځول شي.

د سیسټماتیک لحاظه په افغانستان کې د جنسیت توپیر  تر ټولو ډیره د رینبو ټولنې په غړو او بیا په ښځو باندې تطبیق کیږي. د افغانستان د رینبو ټولنې ډیری غړي باندې جنسي تیری کیږي، پلورل کیږي، وهل او ټکول کیږي او وژل کیږي؛ په داسې حال کې چې هیڅ کوم داسې سازمان، سیاسي او کلتوري ډله او حتی عامه افکار د دوی په وژل کیدو خواخوږي نه کوي او د هغوی غږ نه پورته کوي.

دا غیرمنظم او سیسټماتیک تاوتریخوالي او دا رنګه چوپتیا د دې ښکارندويي کوي چې ټول دولتي غړي او ډیرې ټولنیز غړي د ټولنې د دې برخې پر وړاندې په بشري جنایتونو کې ښکیل دي، تر دې حده چې کله کله په خوښۍ سره د دوی پر وړاندې د ټولو جنایتونو ( په دوی د جنسي تیری څخه نیولې دوی نه د جنسي ګټې په اخیستو، د دوی د وهلو او وژلو) څخه ملاتړ کړي دي.

نن ورځ چې د طالبانو په شتون، دین لامل  شو چې د افغانستان ټولې ښځې او انجونې له خپلو اساسي او لومړني حقونو څخه بې برخې پاتې شي. رینبو غړي تل او پرته له کوم نرمښت څخه په افغانستان کې د دین او تبعیض په حکم  په ټولنه کې د ښکاره ژوند او شتون له حق څخه محروم ول.

دا هغه برخلیک دی چې که د رینبو غړو  له سرونو څخه لیرې شي؛ یقیناً چې دا به د ښځو د مبارزې او خلاصون لپاره پرمختګ وي.

نو په ټولنه کې ټولې محرومې ډلې له یو بل سره د پیوستون څخه پرته بله چاره نه لري. ځکه چې کوم حالات چې پر دوی روان دی، برابر دي خو د لږ او ډیر شدت سره…

د افغانستان او ایران د آنارشیستانو اتحادیه

د انارشیزم د عصر فدراسیون یو له ځانه‌تنظیمونو څخه